«Լեռնային Ղարաբաղից տեղահանված բնակչության կարիքներին արագ արձագանքում» ծրագիր

«Աղետների ռիսկի նվազեցման ազգային պլատֆորմ» հիմնադրամը այս ծրագիրը իրականացրել է Դեմոքրասի Ինթերնեշնլի հետ համատեղ և ԱՄՆ Միջազգային զարգացման գործակալության (USAID) ֆինանսական աջակցությամբ:

Ծրագրի հիմնական նպատակն էր աջակցել Լեռնային Ղարաբաղից բռնի տեղահանված բնակչությանը` վերջիններիս առաջնահերթ կարիքների բացահայտման և համապատասխան աջակցության տրամադրման միջոցով։ 

Ծրագիրն իրականացվել է՝ 10 նոյեմբեր, 2023 – 08 մայիս, 2024:

Ծրագրի թիրախ են հանդիսացել Դիլիջան և Իջևան խոշորացված համայնքներում և Երևանի Քանաքեռ - Զեյթուն վարչական շրջանում ապաստանած ընտանիքները, ընդհանուր թվով` շուրջ 1060 ընտանիք (մոտավորապես 4000 անձ): Օժանդակության աշխարհագրությունը ընտրվել է ՀՀ աշխատանքի և սոցիալական հարցերի նախարարության (ԱՍՀՆ) և օժանդակություն տրամադրող այլ գործընկերների հետ քննարկման և պայմանավորվածության համաձայն:

Ծրագրի առաջին փուլում սերտորեն համագործակցելով ՀՀ ԱՍՀՆ, Երևանի քաղաքապետարանի, Դիլիջանի և Իջևանի համայնքապետարանի հետ վերջիններիս կողմից տրամադրված տեղեկատվության հիման վրա որոշվել է առաջնային կարիքների բավարարմանն ուղղված աջակցության տեսակը:

Արդյունքում` ծրագրի թիրախ համայնքներին տրամադրվել է սննդային, սանիտարա-հիգիենիկ, ինչպես նաև մանկական խնամքի փաթեթներ: Բաշխման ընթացքն ուղեկցվել է շահառուների կարիքների գնահատման գործընթացով, որի հիման վրա էլ որոշվել է ծրագրի երկրորդ փուլում տրամադրվող աջակցության տեսակը:

* 1-ին փուլի աջակցությունը Երևանում տրամադրվել է միայն Քանաքեռ-Զեյթուն վարչական շրջանում ապաստանած ընտանինքներին, իսկ 2-րդ փուլով տրամադրված աջակցությունը` բոլոր վարչական շրջաններում ապաստանած ընտանիքներին:

Կից աղյուսակում ներկայացված են երկու փուլերում թիրախ համայնքներն ու ծրագրի շահառու ընտանիքների թվային կազմը:

Ստորև ծրագրի երկրորդ փուլում կարիքների գնահատման արդյունքների հիման վրա տրամադրված օժանդակության ցանկն է:

Սույն ծրագրի շրջանակներում ծրագրի թիրախ հանդիսացող ընտանիքներին ընդհանուր առմամբ տրամադրվեց 71,300,000 ՀՀ դրամի աջակցություն:

Մեկ այլ կարևոր նախաձեռնություն սույն ծրագրի շրջանակներում